Nossa finamira è da crear in access facil al tema ambient en il Grischun.
Tgi essan nus?
Sco la pli gronda plattafurma grischuna per l'educaziun ambientala extrascolara en il chantun Grischun ans engaschain nus per che tantas scolaras e tants scolars sco pussaivel, ma er insumma giuven e vegl possian emprender en e cun la natira. Nus rendain visibla la gronda quantitad da purschidas da l'educaziun ambientala en il chantun Grischun e facilitain l'access a lieus d'emprender extrascolars. Il medem mument rinforzain nus expertas ed experts e promovain lur contacts.
Donaziun
Ta persvada nossa plattafurma? Lura sustegna nossa lavur cun ina donaziun singulara u daventa fautur:a! Cun ina contribuziun da CHF 200.- survegns ti ultra da la newsletter regulara era noss rapport annual.
Verein NaturLernen
CH15 8080 8006 8611 5719 1
-
Kathrin Pfister
presidenta, educatura ambientala, intermediatura da cultura
Ozendi èn necessaris inscunters intensivs tranter uman ed ambient. Pir uschia po sa sviluppar in agir persistent. Per promover tals inscunters m'engasch jau en favur da l'uniun NaturLernen.
-
Renata Fulcri
cassiera, scienziada ambientala, manadra d'excursiuns
Sentir ed observar la natira cun accumpagnament professiunal davant «l'isch-scola» – per amur da quai m'engasch jau cun tutt'energia per l'uniun. Jau sun numnadamain persvasa ch'ina experientscha emoziunala cun la natira ed ina relaziun attentiva cun sias abitantas e ses abitants reuneschan nus.
-
Regula Bücheler
commembra da la suprastanza, geografa, manadra d'excursiuns
La purschida per l'educaziun ambientala extrascolara è gronda e da buna qualitad. La plattafurma NaturLernen pussibilitescha da cumparegliar las differentas purschidas e da las reservar. Per quel intent m'engasch jau gugent. Emprender en la natira è decisiv per tractar cun responsabladad l'ambient.
